Archive for the ‘بلد الشبابـيك’ Category

إيه في أمل

أكتوبر 7, 2010


صباح جديد لـ غازي عبدالباقي


صورة أخرى ، تظهر ملامحها وسط خلفية سوداء قاتمة .. أعنيها .. هي أشهر بورتريه لفيروز .. غلاف ألبوم ” أنا وسهرانة ” وهي صورة حضورها الخجول وسط أكثر أوقات بيروت سواداً منذ نهاية الحرب ، التي لم تنتهِ
إيه في أمل ، لهدوء نسبي ، لضوء نسبي ، لفرح نسبي ، لأمل نسبي .. في بيروت .. الفرح والبكاء والأمل والضوء وحتى الموت نسبي . إيه أكيد في أمل … نسبي ..
وأنا أكتب في ” أمل ” ظهرت صورة نبيه بري على شاشة Otv .
في لبنان الصدفة وحدها هي الشي المطلق .. الذي تخطط له عناويين الصحف ، ولافتات الشوارع وشريط الأخبار البغيض ..
بين هذا السواد ملامحها الخجولة – نسبياً – في الصورة الأشهر لها .. ” غلاف أنا وسهرانة ” الصورة ” المضويّة بصدر الدار “

غنّي ياست .. إن كان في أمل أومافي .. المهم إنهم كلهم كذّابين وإنتِ لا .

بالنسبة لليلة :
نحنا اندعينا من قبل “نادي أصدقاء صوت الشعب” من أجل إقامة حفلة غنائية موسيقية دعماً لإذاعة صوت الشعب اللي كلّنا منحبهاّ ومنقدّرها. ووقت اللّي منقول “نادي أصدقاء صوت الشعب” يعني حكماً نحنا من ضمن هالأصدقاء. وتعبيراً عن هالصداقة نحنا الليلة هون.

رح منغنّي أغاني قديمة عمرها حوالي عشرين سنة، كتب معظمها مشارك أساسي بتأسيس وانطلاقة إذاعة صوت الشعب، بطرس روحانا، ولحنتها وغنيتها وسجلتها تحت عنوان “يوم عليك ويوم عليك” مع معظم الشباب والصبايا اللّي شايفينهم عالمسرح، خصوصاً الكورس يللّي كان مؤلّف من الأقارب والأصحاب وهيدي أول مرّة بيغنّوا هالأغاني من عشرين سنة على مسرح.

حبّيت إرجع غنّي هالأغاني لعدّة أسباب:

أولا: لأنو إذاعة صوت الشعب كانت تقريباً الإذاعة الوحيدة اللّي ضلّت تذيع هالأغاني على مدى عشرين سنة من 1990، تاريخ صدور كاسيت “يوم عليك وبوم عليك” ولغاية هلّق.

تانيا: لأنّو لسوء الحظ، نفس الأغاني اللّي كانت بتعبّر عن الواقع بهيديك المرحلة، بعدا قادرة تعبّر وبقوّة أكبر عن الوضع الحالي: منشان هيك حطّينا عنوان “يوم عليك ويوم عليك” والأصحّ “كل هالإيام عليك”

تالتاً: لسبب شخصي، حبّيت إرجع قول الأغاني اللّي عملتها من عشرين سنة، لأنها بتمثّل مرحلة نقيّة هييّ مرحلة البدايات بما فيها من لهفة وولع وصدق وطموح وأحلام…أنا بأمسّ الحاجة إلها وبعتقد كلنا سوا بحاجة للهفة..لولع..لصدق..لطموح..لحلم..من بعد ما صار هالحلم إنو يا ريت يعطونا 12 ساعة كهرباء بدون انقطاع وأمثال كتيرة من هالنّوع ما في لزوم نكرّرها…وصار أقصى طموحنا يوم روتيني بيعيشو أي شخص بالدول الطبيعيّة بدون ما يكون مركّب عا راسو وعا راس ولادو وولاد ولادو هموم البلد والمنطقة اللّي ما عم تخلص همومها..طالما هنّي الطوائف ذاتن…

بيبقى إنّي بقدّم هالحفلة بالإشتراك مع “نادي أصدقاء صوت الشعب” والفرقة الموسيقية والغنائية، للإذاعة..لإذاعة صوت الشعب لحتى يضلّ الصوت يودّي.

شربل روحانا

في نفس اليوم والساعة ، تُغني فيروز ويعزف شربل روحانا في مكان قريب ..
يا ألله كيف في ناس بيركزو على أشياء صغيرة .. الشيء الأكبر ، أكيد مش تعارض التوقيت لأن كل اللي بيحب فيروز .. بالفطرة وبدون قصد أو مقدمات يحب شربل حتى وإن لم يعرفه أو يسمع له ..
الشيء الكبير أنها صدفة .. في لبنان الصدفة وحدها هي الشي المطلق الذي تفشل أحياناً عناويين الصحف ولافتات الشوارع وشريط الأخبار البغيض في التخطيط له .

إعزف ياقدّيس … إيه في أمل ، بس مش أمل نبيه بري .

عنك يا قمر

نوفمبر 21, 2009

21-11-2009

 

 

 

 

 

 

 

 

سحر الخرافة التي لا بد منها لحياتنا ..
سحر المندل الظاهر ،
والمندل المستتر في دخيلاء كل منا ، يحاكي قدره بلا هوادة ..
سحر ألم الصراع ،
وسحر فرح الخلاص
وسحر صوت فيروز ..

أنسي الحاج
..

_______________________________

(more…)

وشوشة !

أكتوبر 28, 2009

لا يبدو أنه حوار بينَ اثنين ، لكن يبدو وكأنه وشوشة مع النفس ، كذلك الحديث المعني بهِ آخر وهذا الآخر ليس حاضراً .. كذلك العتاب الذي يُلقى لا لكي يسمعه آخر فيستجيب .. إنما كي تسمعه النفس فلا تُبقي منه إلا ما لابدَ أن يبقى عتاب !

والوشوشة أيضاً في بداية ملف الصوت كانت منسجمة مع تاريخ هذا العمل للسيدة فيروز ، هو أول عمل يجمعها مع الرحابنة .. كأنو صوّرنا شي جديد بـ أبيض وأسود ليدل على قِدَمهِ :)

عموماً الوشوشة كانت لأجزاء من الثانية فقط !

عبير نعمة / عتاب –

3etab

سوى ربينا

أكتوبر 13, 2009

sawarbeena

 

بشكل استثنائي، هذي المرة .. لم أجرّد اللحن هُنا من كلمات العمل الأصلي ..
بكل طواعية ومع ” مروان غريبة ” كانت ذاكرتي تقرأ معه بعضَ مافيها ..

و انطرنا الجنى بليالي الجنى و اقطفنا الفرح من علالينا
سوى ربينا سوى مشينا سوى قضينا ليالينا
معقول الفراق يمحي أسامينا و نحن سوى سوى ربينا
.
.
.

و ينسانا السهر بليل السهر و يسألوا عنّا أهلينا

National Anthem

يوليو 1, 2009

Shababeek


النشيد الوطني :) .. / بلد الشبابيك


تصحيح
[ يابيوت بزنبق مرسومي
على عالي سطوحك عم تومي ….]
فقط كي لا تُقدم كارلا لمحاكمة عسكرية .. مع إنو بلد فيه البيوت بزنبق مرسومة ، أكيد السجن فيه مغزول بحرير ، أو صوف – في أسوء الأحوال – لقضايا أمن الدولة :)